栏目导航
马国明系结婚对象 汤洛雯自嘲年纪大:唔玩啦
时间:2020-11-09

原标题:马国明系结婚对象汤洛雯自嘲年纪大:唔玩啦

汤洛雯(靓汤)昨日为珠宝店任开幕嘉宾,表示获老板娘送上翡翠独角兽及袖口钮扣,后者将转送男友马国明,问到男友可有送首饰给她?靓汤甜笑说:“送过手镯,几时送就系秘密,其实唔一定纪念日先送礼,佢平时听到我喜欢嘅嘢,有时候都会偷偷哋买嚟送畀我,几细心。”

早前完成TVB剧集《一笑渡凡间》后休息了两个月,靓汤透露拍摄期间不时食甜品,结果增磅不少,故近日努力瘦身,笑指无论肥与瘦,男友马国明也喜欢。

对于近日被指闪婚,靓汤斩钉截铁表示:“唔会闪,我系有计划嘅人,之前讲唔排除闪婚都系讲笑,结婚要涉及好多嘢,要畀父母知同买屋,暂时都未有呢个打算,储钱先,当然拍拖梗系有沟通过,佢都系结婚对象,我几多岁呀,唔玩啦,亦都唔好搵我玩。”谈到马国明有其屋苑住户证,靓汤指因屋企有后备卡,不用每次落楼接他,但马国明没有其屋企锁匙,问到她可有对方家门匙?靓汤笑说:“我冇佢屋企锁匙,大厦密码就有嘅,如果咁都唔畀我就好过分。”

提到父母大赞马国明?靓汤笑说:“都正常,虽然唔会讲出口,但点都会想我嘅对象可以有进步空间,反而拍拖后成日畀妈咪闹,话我成日叫外卖畀男友食,所以呢排我咪多咗下厨啰!”